രഞ്ജി ട്രോഫി ഫൈനൽ: വിദർഭയ്ക്ക് ലീഡ്; കേരളത്തിന് തിരിച്ചടി

നാഗ്പൂർ: രഞ്ജി ട്രോഫി ഫൈനലിൽ വിദർഭയ്ക്ക് ഒന്നാം ഇന്നിങ്സിൽ 37 റൺസിന്‍റെ ലീഡ്. കേരളം 125 ഓവറിൽ 342 റൺസെടുത്ത് പുറത്തായതോടെയാണ് വിദർഭയ്ക്ക് മുൻതൂക്കം ലഭിച്ചത്. കേരളത്തിന്‍റെ ക്യാപ്റ്റൻ സച്ചിൻ ബേബി 235 പന്തിൽ 98 റൺസുമായി ടോപ് സ്കോററായി. ആദിത്യ സർവാതേ 185 പന്തിൽ 79 റൺസ് നേടിയെങ്കിലും മി നിയന്ത്രണം പിടിച്ചെടുത്തു. 95-ാം ഓവറിൽ അസ്ഹറുദ്ദീനെ എൽബിഡബ്ല്യുവിൽ വീഴ്ത്തിയ ദർശൻ നൽകണ്ടെ, പിന്നീട് 324 റൺസിൽ സച്ചിൻ ബേബിയെ കരുൺ നായർ ക്യാച്ചായി പുറത്താക്കിയത് കേരളത്തിനുള്ള വലിയ തിരിച്ചടിയായി. അതിന് പിന്നാലെ ജലജ് സക്സേന ബൗള്‍ഡായതോടെ കേരളം പ്രതിരോധത്തിലേക്ക് മാറി. എന്നാല്‍ വാലറ്റത്തിന്‍റെ നിലനില്പില്ലായ്മ പ്രതീക്ഷകളെ തകർത്തു. ടോസ് നഷ്ടപ്പെട്ട് ബാറ്റ് ചെയ്ത വിദർഭ 379 റൺസെടുത്ത് പുറത്തായിരുന്നു. വിജയത്തിനായി കേരളം അതിവേഗം വിദർഭയുടെ രണ്ടാം ഇന്നിങ്സ് അവസാനിപ്പിക്കേണ്ടതുണ്ട്. മത്സരം സമനിലയിൽ അവസാനിച്ചാൽ, ഒന്നാം ഇന്നിങ്സ് ലീഡിന്‍റെ അടിസ്ഥാനത്തിൽ വിദർഭ ചാമ്പ്യന്മാരാകും.