കേന്ദ്ര തെരഞ്ഞെടുപ്പ് കമ്മീഷനെതിരെ രൂക്ഷവിമർശനവുമായി കോൺഗ്രസ് അധ്യക്ഷൻ മല്ലികാർജുൻ ഖാർഗെ. വോട്ടർപട്ടികയിൽ നടന്ന തിരിമറികളുമായി ബന്ധപ്പെട്ട വിഷയത്തിൽ പ്രധാനമന്ത്രി നരേന്ദ്ര മോദി ജനങ്ങളോട് മറുപടി പറയാൻ ബാധ്യസ്ഥനാണെന്ന് അദ്ദേഹം ആവശ്യപ്പെട്ടു.
നേരത്തെ കോൺഗ്രസ് നേതാവ് രാഹുൽ ഗാന്ധി ഉന്നയിച്ച 'വോട്ട് ചോരി' (വോട്ട് മോഷണം) ആരോപണങ്ങൾ പൂർണ്ണമായും ശരിയാണെന്ന് വ്യക്തമാക്കുന്ന കാര്യങ്ങളാണ് ഇപ്പോൾ പുറത്തുവരുന്നതെന്ന് ഖാർഗെ ചൂണ്ടിക്കാട്ടി. ജനാധിപത്യ പ്രക്രിയയുടെ സുതാര്യത ഉറപ്പുവരുത്തുന്നതിൽ തെരഞ്ഞെടുപ്പ് കമ്മീഷന് വീഴ്ച പറ്റിയെന്നും വിഷയം ഗുരുതരമാണെന്നും അദ്ദേഹം വ്യക്തമാക്കി.
