കണ്ണൂര്‍: രാഹുല്‍ ഗാന്ധിക്കെതിരെ തിരുവനന്തപുരം മുനിസിപ്പല്‍ കോര്‍പ്പറേഷന്‍ കൗണ്‍സിലര്‍ ശ്രീമതി ശ്രീലേഖ നടത്തിയ അപകീര്‍ത്തികരമായ പരാമര്‍ശങ്ങളില്‍ അന്വേഷണം വേണമെന്ന് ആവശ്യപ്പെട്ട് കെ. സുധാകരന്‍ എം.പി ആഭ്യന്തര മന്ത്രി രമേശ് ചെന്നിത്തലയ്ക്ക് കത്ത് നല്‍കി. ഒരു പൊതുയോഗത്തില്‍ സംസാരിക്കവേ, രാഹുല്‍ ഗാന്ധി മയക്കുമരുന്ന് ഉപയോഗിച്ച ശേഷമാണ് പ്രതിഷേധത്തില്‍ പങ്കെടുത്തതെന്ന് കൗണ്‍സിലര്‍ ആരോപിച്ചതായി ശ്രദ്ധയില്‍പ്പെട്ടിട്ടുണ്ടെന്ന് കെ. സുധാകരന്‍ കത്തില്‍ വ്യക്തമാക്കി.
യാതൊരുവിധ തെളിവുകളുമില്ലാതെ ഉത്തരവാദപ്പെട്ട സ്ഥാനങ്ങളിലിരിക്കുന്ന വ്യക്തികള്‍ നടത്തുന്ന ഇത്തരം അടിസ്ഥാനരഹിതമായ ആരോപണങ്ങള്‍ പൊതുജനങ്ങളെ തെറ്റിദ്ധരിപ്പിക്കാനും വ്യക്തിത്വത്തെ ഹനിക്കാനും ഉദ്ദേശിച്ചുള്ളതാണെന്ന് എം.പി. ചൂണ്ടിക്കാട്ടി. ഇതുമായി ബന്ധപ്പെട്ട വീഡിയോ ദൃശ്യങ്ങളും ലഭ്യമായ മറ്റ് തെളിവുകളും പരിശോധിച്ച് പ്രസ്താവനയുടെ സത്യാവസ്ഥ പുറത്തുകൊണ്ടുവരണമെന്നും, ആരോപണം വ്യാജമാണെന്ന് തെളിയുന്നപക്ഷം കുറ്റക്കാര്‍ക്കെതിരെ ശക്തമായ നിയമനടപടികള്‍ സ്വീകരിക്കണമെന്നും ആഭ്യന്തര മന്ത്രിയോട് കത്തിലൂടെ ആവശ്യപ്പെട്ടു.
രാഹുല്‍ ഗാന്ധിക്കെതിരായ അപകീര്‍ത്തികരമായ പരാമര്‍ശം: അന്വേഷണം ആവശ്യപ്പെട്ട് കെ. സുധാകരന്‍ എംപി ആഭ്യന്തര മന്ത്രിക്ക് കത്ത് നല്‍കി
രാഹുല്‍ ഗാന്ധിക്കെതിരായ അപകീര്‍ത്തികരമായ പരാമര്‍ശം: അന്വേഷണം ആവശ്യപ്പെട്ട് കെ. സുധാകരന്‍ എംപി ആഭ്യന്തര മന്ത്രിക്ക് കത്ത് നല്‍കി
Jaihind TV News Report
Jaihind TV Web Desk
2 min read
2,275 reads
