ഡല്‍ഹി: മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിനെതിരെ രാജ്യവ്യാപക പ്രതിഷേധത്തിന് ഇന്ന് തുടക്കം. ഇന്ത്യ സഖ്യവും കോക്രോച്ച് ജനത പാര്‍ട്ടിയും പ്രഖ്യാപിച്ച പ്രക്ഷോഭ പരിപാടികള്‍ക്ക് ഇന്ന് തുടക്കമാകും. പ്രധാന രാഷ്ട്രീയ പാര്‍ട്ടികള്‍ക്ക് പുറമേ വിവിധ സാംസ്‌കാരിക-യുവജന സംഘടനകളും വിഷയത്തില്‍ പ്രതിഷേധവുമായി തെരുവിലിറങ്ങുന്നുണ്ട്.
പ്രതിപക്ഷ പാര്‍ട്ടികളുടെ പ്രക്ഷോഭത്തോടൊപ്പം മുംബൈ കേന്ദ്രീകരിച്ചാണ് കോക്രോച്ച് ജനത പാര്‍ട്ടിയുടെ പ്രതിഷേധങ്ങള്‍ സംഘടിപ്പിച്ചിരിക്കുന്നത്. ഇതിന് പുറമേ, ഡല്‍ഹിയിലെ ജന്തര്‍മന്തറിലേക്ക് എസ്.എഫ്.ഐയും ഡി.വൈ.എഫ്.ഐയും സംയുക്തമായി പ്രതിഷേധ മാര്‍ച്ച് പ്രഖ്യാപിച്ചിട്ടുണ്ട്. എന്നാല്‍ ഈ മാര്‍ച്ചിന് ഡല്‍ഹി പോലീസ് ഇതുവരെ അനുമതി നല്‍കിയിട്ടില്ല. സുരക്ഷാ മുന്‍കരുതലുകളുടെ ഭാഗമായി തലസ്ഥാനത്ത് പോലീസ് നിരീക്ഷണം ശക്തമാക്കിയിട്ടുണ്ട്.
ഗ്യാനേഷ് കുമാറിന്റെ നടപടികള്‍ക്കെതിരെ ഇന്ത്യ സഖ്യം പ്രഖ്യാപിച്ച ഒരാഴ്ച നീണ്ടുനില്‍ക്കുന്ന ജില്ലാതല പ്രതിഷേധ പരിപാടികളും ഇന്ന് മുതല്‍ വിവിധ സംസ്ഥാനങ്ങളില്‍ ആരംഭിക്കും. വരുന്ന ദിവസങ്ങളില്‍ സമരം കൂടുതല്‍ ശക്തമാക്കാനാണ് പ്രതിപക്ഷ സംഘടനകളുടെ തീരുമാനം.
ഗ്യാനേഷ് കുമാറിനെതിരെ രാജ്യവ്യാപക പ്രതിഷേധങ്ങള്‍ക്ക് ഇന്ന് തുടക്കം; പ്രതിഷേധം കടുപ്പിക്കാന്‍ പ്രതിപക്ഷം
Jaihind TV News Report
Jaihind TV Web Desk
Updated Oct 12, 2026
2 min read
138 reads
