തൃശ്ശൂർ: 11 വയസ്സുള്ള ആൺകുട്ടിയെ ലൈംഗികമായി പീഡിപ്പിച്ചെന്ന പരാതിയിൽ പ്രശസ്ത സോഷ്യൽ മീഡിയ ഇൻഫ്ലുവൻസറും യൂട്യൂബറുമായ ഡോ. നിഷ റാഫേലിനെതിരെ തൃശ്ശൂർ വെസ്റ്റ് പോലീസ് കേസ് എടുത്തു. കുട്ടിക്കെതിരെ ഗുരുതരമായ ലൈംഗികാതിക്രമം നടന്നതായി തൃശ്ശൂർ ജനറൽ ആശുപത്രിയിൽ നടത്തിയ മെഡിക്കോ-ലീഗൽ പരിശോധനയിൽ തെളിഞ്ഞതിനെ തുടർന്നാണ് നടപടി.
സംഭവവുമായി ബന്ധപ്പെട്ട് ലഭിച്ച പരാതിയുടെ അടിസ്ഥാനത്തിൽ പോക്സോ (POCSO) നിയമത്തിലെ വിവിധ വകുപ്പുകൾ ചുമത്തിയാണ് പോലീസ് കേസ് രജിസ്റ്റർ ചെയ്തിരിക്കുന്നത്. കേസിൽ പോലീസിന്റെ നിർണ്ണായക അന്വേഷണം പുരോഗമിക്കുകയാണ്. പ്രതിയായ നിഷ റാഫേലിനെ ഉടൻ ചോദ്യം ചെയ്യുമെന്നും അറസ്റ്റ് ഉൾപ്പെടെയുള്ള തുടർന്നടപടികളിലേക്ക് നീങ്ങുമെന്നും പോലീസ് വൃത്തങ്ങൾ അറിയിച്ചു.
