വീട്ടിൽ വളർത്തുമൃഗങ്ങളെ പരിപാലിക്കുന്നത് മനസ്സിന് ഏറെ സന്തോഷവും പോസിറ്റീവ് ഊർജ്ജവും നൽകുന്ന കാര്യമാണ്. അതില് മുന്നില് നില്ക്കും പൂച്ചകള്... പൂച്ചകളെ ഇഷ്ടമില്ലത്തവര് ആരാണുള്ളത്, വളരെ കുറവാണെന്നു തന്നെ പറയാം. കുട്ടികള് മുതല് മുതിര്ന്നവര് വരെ വളര്ത്തുപൂച്ചകളെ വളരെ കരുതലോടെയാണ് വീടുകളില് വളര്ത്തുന്നത്. അവയുടെ എല്ലാ കാര്യവും വീട്ടിലെ ഒരംഗമെന്ന പോലെ നോക്കുന്നു, പരിപാലിക്കുന്നു. എങ്കിലും, വളർത്തുപൂച്ചകളുടെ ആരോഗ്യം ഉറപ്പാക്കാനും അവയെ ശരിയായ രീതിയിൽ പരിചരിക്കാനും ചില കാര്യങ്ങളിൽ പ്രത്യേക ശ്രദ്ധ അത്യാവശ്യമാണ്.
ദിവസവുമുള്ള രോമം പരിപാലനം
പൂച്ചകൾ സ്വയം ശരീരം വൃത്തിയാക്കാറുണ്ടെങ്കിലും ദിവസവും അവയുടെ രോമം ചീകി നൽകേണ്ടത് പ്രധാനമാണ്. ഇത് രോമങ്ങൾ കെട്ടുപിണയുന്നത് തടയുന്നതിനൊപ്പം, പൊഴിഞ്ഞു വീഴാറായ രോമങ്ങൾ നീക്കം ചെയ്യാനും സഹായിക്കും. മാത്രമല്ല, നക്കുമ്പോൾ രോമം വയറ്റിൽ ചെന്ന് ദഹനവ്യവസ്ഥയിൽ തടസ്സങ്ങൾ ഉണ്ടാകുന്നത് തടയാനും ഇത് ഉപകരിക്കും.
നായ്ക്കളിൽ നിന്ന് വ്യത്യസ്തമായി പൂച്ചകൾ പൂർണ്ണമായും മാംസാഹാരികളാണ്. അതിനാൽ അവയുടെ പ്രധാന ആഹാരം മാംസമായിരിക്കണം. അമിതമായി ഡ്രൈ ഫുഡ് മാത്രം നൽകുന്നത് കാർബോഹൈഡ്രേറ്റ് കൂടുവാനും അമിതവണ്ണം, ടൈപ്പ്-2 പ്രമേഹം എന്നിവയ്ക്ക് കാരണമാകുകയും ചെയ്യും. കൂടാതെ, പൂച്ചകൾ പൊതുവെ വെള്ളം കുടിക്കുന്നത് കുറവായതിനാൽ ഭക്ഷണത്തിലൂടെ ആവശ്യത്തിന് വെള്ളം ശരീരത്തിലെത്തുന്നുണ്ടെന്ന് ഉറപ്പുവരുത്തണം.
ലിറ്റർ ബോക്സുകളും യാത്രയും
വീട്ടിലുള്ള പൂച്ചകളുടെ എണ്ണത്തേക്കാൾ ഒന്ന് കൂടുതൽ എന്ന കണക്കിൽ ലിറ്റർ ബോക്സുകൾ സജ്ജീകരിക്കാൻ ശ്രദ്ധിക്കണം. ഇവ ഇരുണ്ടതോ ആളനക്കമില്ലാത്തതോ ആയ കോണുകളിൽ വെക്കാതെ, അവയ്ക്ക് എളുപ്പത്തിൽ എത്താൻ കഴിയുന്ന സ്ഥലങ്ങളിൽ സ്ഥാപിക്കണം. അതുപോലെ യാത്രകളിൽ പൂച്ചകളെ വാഹനത്തിനുള്ളിൽ സ്വതന്ത്രമായി വിടാതെ, പേടി കൂടാതെ ഇരിക്കാൻ ട്രാവൽ കാരിയറുകൾ അല്ലെങ്കിൽ പ്രത്യേക ടാക്സികൾ ഉപയോഗിച്ച് സുരക്ഷിതത്വം ഉറപ്പാക്കണം.
