അടുത്ത അഞ്ചു വര്‍ഷത്തിനുള്ളില്‍ കേരളത്തെ പൂര്‍ണ്ണമായും ഒരു തുറമുഖ നഗരമാക്കി മാറ്റുകയാണ് ലക്ഷ്യമെന്ന് മുഖ്യമന്ത്രി വി.ഡി. സതീശന്‍. 'ഇന്ത്യന്‍ എക്സ്പ്രസ് അഡ്ഡ' പരിപാടിയില്‍ സംസാരിക്കുകയായിരുന്നു അദ്ദേഹം. സംസ്ഥാനത്തുള്ള രണ്ട് പ്രധാന തുറമുഖങ്ങള്‍, 18 ചെറു തുറമുഖങ്ങള്‍, ഒരു കണ്ടെയ്‌നര്‍ തുറമുഖം, 600 കിലോമീറ്റര്‍ വരുന്ന വിപുലമായ തീരപ്രദേശം എന്നിവ ഫലപ്രദമായി പ്രയോജനപ്പെടുത്താനാണ് പദ്ധതിയിടുന്നത്.
കേരളത്തിലുള്ള നാല് അന്താരാഷ്ട്ര വിമാനത്താവളങ്ങള്‍ പ്രയോജനപ്പെടുത്തി സംസ്ഥാനത്തെ ഒരു ഏവിയേഷന്‍ ഹബ്ബാക്കി മാറ്റാനും ലക്ഷ്യമിടുന്നുണ്ട്. കൂടാതെ, കൊച്ചിയില്‍ നിന്ന് കൊളംബോ, ഗോവ, ദുബായ്, മാലദ്വീപ് എന്നിവിടങ്ങളിലേക്കും കാസര്‍കോട്ടുനിന്ന് തിരുവനന്തപുരത്തേക്കും ആഡംബര കപ്പല്‍ സര്‍വീസുകള്‍ ആരംഭിക്കും. സംസ്ഥാനത്തെ 44 നദികള്‍ സംയോജിപ്പിച്ചുകൊണ്ട് ആര്‍ഭാട ക്രൂയിസ് സര്‍വീസുകളും, എം.ടി. വാസുദേവന്‍ നായരുടെ പേരില്‍ കോഴിക്കോട്ട് കള്‍ച്ചറല്‍ പാര്‍ക്ക് ഉള്‍പ്പെടെയുള്ള വിനോദസഞ്ചാര പദ്ധതികളും ആരംഭിക്കുമെന്നും അദ്ദേഹം വ്യക്തമാക്കി.
അടുത്ത 5 വര്‍ഷത്തിനുള്ളില്‍ കേരളം വികസന കുതിപ്പിലേക്ക്; ആഡംബര കപ്പല്‍ സര്‍വീസുകളും ഏവിയേഷന്‍ ഹബ്ബും ലക്ഷ്യം: മുഖ്യമന്ത്രി വി.ഡി. സതീശൻ
Jaihind TV News Report
Jaihind TV Web Desk
2 min read
418 reads
