തിരുവനന്തപുരം: സംസ്ഥാനത്തെ സർക്കാർ ജീവനക്കാർക്കും പെൻഷൻകാർക്കും വലിയ ആശ്വാസമേകി ഡി.എ (ക്ഷാമബത്ത), ഡി.ആർ (ക്ഷാമ ആശ്വാസം) എന്നിവയിൽ വർധനവ് വരുത്തി. രണ്ട് ശതമാനം വീതമാണ് ക്ഷാമബത്ത വർധിപ്പിക്കാൻ സർക്കാർ തീരുമാനിച്ചിരിക്കുന്നത്. ഈ പുതിയ വർധനവോടെ ജീവനക്കാരുടെ ആകെ ഡി.എ 37 ശതമാനമായി ഉയരും.
പെൻഷൻകാർക്കും ഈ വർധനവിന്റെ പൂർണ്ണ ആനുകൂല്യം ലഭിക്കുന്നതാണ്. സർക്കാരിന്റെ ഈ നിർണായക തീരുമാനത്തോടെ ജീവനക്കാരുടെയും പെൻഷൻകാരുടെയും പ്രതിമാസ വരുമാനത്തിൽ ഗണ്യമായ വർധനയുണ്ടാകും.
