ബാറ്റിങ്ങിനും ബോളിങ്ങിനും ഒപ്പം ഇനി വിക്കറ്റ് കീപ്പിങ്ങും; രഞ്ജിക്ക് മുന്നോടിയായി പരിശീലനം നടത്തി യശസ്വി ജെയ്‌സ്വാൾ

മുംബൈ: ഇന്ത്യൻ ക്രിക്കറ്റ് ടീമിൽ സ്ഥാനം ഉറപ്പിക്കാൻ ബാറ്റർമാർക്ക് ഒന്നിലധികം കഴിവുകൾ വേണമെന്ന ചർച്ചകൾക്കിടെ, വിക്കറ്റ് കീപ്പിങ്ങിലും പരിശീലനം ആരംഭിച്ച് ഇന്ത്യൻ ഓപ്പണർ യശസ്വി ജെയ്‌സ്വാൾ. ബാറ്റിങ്ങിനും ലെഗ് സ്പിന്നിനും പുറമേ ത തൻ്റെ വൈവിധ്യം വർദ്ധിപ്പിക്കുന്നതിനായാണ് ജെയ്‌സ്വാൾ വിക്കറ്റിന് പിന്നിലും കൈയുറയണിയാൻ തുടങ്ങിയത്. പുതിയ രഞ്ജി സീസണിന് മുന്നോടിയായി മുംബൈയുടെ പരിശീലന മത്സരത്തിൽ താരം ഏകദേശം 10 ഓവറോളം വിക്കറ്റ് കീപ്പ് ചെയ്തതായി റിപ്പോർട്ടുകളുണ്ട്.

ഇന്ത്യൻ ടീമിനും മുംബൈക്കും വേണ്ടി വിക്കറ്റ് കീപ്പ് ചെയ്യുക എന്ന ലക്ഷ്യത്തോടെയാണ് ജെയ്‌സ്വാൾ പരിശീലനം നടത്തുന്നതെന്ന് മുംബൈ ക്യാപ്റ്റൻ സിദ്ധേഷ് ലാഡ് വ്യക്തമാക്കി. വാങ്കഡെ സ്റ്റേഡിയത്തിൽ ചണ്ഡീഗഢിനെതിരായ മുംബൈയുടെ ആദ്യ രഞ്ജി മത്സരത്തിൽ ജെയ്‌സ്വാൾ കളത്തിലിറങ്ങും. അജിങ്ക്യ രഹാനെയുടെ വിരമിക്കലും ശാർദുൽ താക്കൂറിന്റെ പരിക്കും നേരിടുന്ന മുംബൈ ടീമിന് ജെയ്‌സ്വാളിന്റെ സാന്നിധ്യം വലിയ കരുത്താകും. മുൻപ് രാഹുൽ ദ്രാവിഡ് കൈക്കൊണ്ടതിന് സമാനമായ ഈ നീക്കം വിജയിക്കുകയാണെങ്കിൽ ഇന്ത്യൻ ടീമിലെ കളിക്കാരുടെ സമവാക്യങ്ങളിൽ വലിയ മാറ്റങ്ങൾ വന്നേക്കാം.