ലിജോമോൾ നായികയായി വിജയ് സേതുപതിക്കൊപ്പം ,അറ്റ്‌ലി നിർമിക്കുന്ന 'ബത്ത'യുടെ ട്രെയിലർ പുറത്ത്

വിജയ് സേതുപതി കേന്ദ്രകഥാപാത്രമാകുന്ന പുതിയ ചിത്രം ‘ബത്ത’യുടെ ട്രെയിലർ പുറത്തിറങ്ങി. ബാലാജി തരണീധരൻ തിരക്കഥയെഴുതി സംവിധാനം ചെയ്യുന്ന ഈ ചിത്രം പ്രശസ്ത സംവിധായകൻ അറ്റ്‌ലിയാണ് അവതരിപ്പിക്കുന്നത്. ലിജോമോൾ ജോസ് നായികയായി എത്തുന്ന ഈ ചിത്രം പ്രിയ അറ്റ്‌ലി, മുറാദ് ഖേതാനി എന്നിവർ ചേർന്ന് സിനി വൺ സ്റ്റുഡിയോസ്, എ ഫോർ ആപ്പിൾ സ്റ്റുഡിയോസ് എന്നിവയുടെ ബാനറിലാണ് നിർമിക്കുന്നത്.

1980-കളുടെ പശ്ചാത്തലത്തിൽ ഒരുക്കിയിരിക്കുന്ന ഈ ചിത്രത്തിൽ സ്റ്റൈലിഷ് റെട്രോ ലുക്കിലാണ് വിജയ് സേതുപതി പ്രത്യക്ഷപ്പെടുന്നത്. ആക്ഷനും വൈകാരിക നിമിഷങ്ങൾക്കും ഒരുപോലെ പ്രാധാന്യം നൽകുന്ന 'ബത്ത'യ്ക്ക് സായ് അഭയങ്കറാണ് സംഗീതം പകരുന്നത്. ചിത്രം വരുന്ന ഒക്ടോബർ 1-ന് ആഗോളവ്യാപകമായി തിയേറ്ററുകളിൽ എത്തും.

തമിഴിൽ വൻ വിജയങ്ങളായ ‘നടുവുല കൊഞ്ചം പക്കാതെ കാണോം’, ‘സീതാകാതി’ എന്നീ ചിത്രങ്ങൾക്ക് ശേഷം വിജയ് സേതുപതിയും സംവിധായകൻ ബാലാജി തരണീധരനും ഒന്നിക്കുന്ന മൂന്നാമത്തെ ചിത്രമെന്ന പ്രത്യേകതയും 'ബത്ത'യ്ക്കുണ്ട്.