സുധാകരന്‍റെ അറസ്റ്റ് രാഷ്ട്രീയ ഗൂഢാലോചന, ഭയമാണ് സർക്കാരിനെ ഭരിക്കുന്നത്; പ്രതിപക്ഷത്തെ നിശബ്ദമാക്കാമെന്ന് കരുതേണ്ട: വി.ഡി സതീശന്‍

Jaihind TV News Report Jaihind TV Web Desk

Jun 23, 2023 Updated Oct 10, 2026 1 min read 32 reads

സുധാകരന്‍റെ അറസ്റ്റ് രാഷ്ട്രീയ ഗൂഢാലോചന, ഭയമാണ് സർക്കാരിനെ ഭരിക്കുന്നത്; പ്രതിപക്ഷത്തെ നിശബ്ദമാക്കാമെന്ന് കരുതേണ്ട: വി.ഡി സതീശന്‍

തിരുവനന്തപുരം: കെപിസിസി പ്രസിഡന്‍റ് കെ സുധാകരന്‍ എംപിയെ കള്ളക്കേസിൽ കുടുക്കി അറസ്റ്റ് ചെയ്തത് രാഷ്ട്രീയ ഗൂഢാലോചനയുടെ ഭാഗമെന്ന് പ്രതിപക്ഷ നേതാവ് വി.ഡി സതീശന്‍. കേരളത്തിന്‍റെ ജനാധിപത്യ ചരിത്രത്തിലെ കറുത്ത ദിനമാണ് ഇന്നെന്നും പ്രതിപക്ഷ നേതാവ് പറഞ്ഞു. സർക്കാരിനെതിരെ നിരന്തര വിമർശനവും അഴിമതി ആരോപണങ്ങളും ഉന്നയിക്കുന്ന നേതാക്കൾക്കെതിരെ കള്ളക്കേസെടുക്കാനുള്ള നീക്കത്തെ കോൺഗ്രസും യുഡിഎഫും ശക്തമായി ചെറുക്കും. ഭീഷണി കൊണ്ടും കള്ളക്കേസ് കൊണ്ടും പ്രതിപക്ഷത്തെ നിശബ്ദരാക്കാമെന്ന് കരുതേണ്ട. ഡൽഹിയിൽ നരേന്ദ്ര മോദി ചെയ്യുന്നതിന്‍റെ കാർബൺ കോപ്പിയാണ് കേരളത്തിൽ പിണറായി ചെയ്യുന്നത്. ഭയമാണ് ഈ സർക്കാരിനെ നയിക്കുന്നത്. സർക്കാരിന്‍റെ അഴിമതിയും ജനവിരുദ്ധതയും ഇനിയും തുറന്നുകാട്ടുമെന്നും പ്രതിപക്ഷ നേതാവ് പറഞ്ഞു.