ഹോര്‍മുസ് കടലിടുക്കില്‍ ദക്ഷിണ കൊറിയന്‍ ചരക്ക് കപ്പലിന് നേരെയുണ്ടായ ആക്രമണത്തെ യുഎഇ അപലപിച്ചു. രാജ്യാന്തര നാവിഗേഷന്റെ സുരക്ഷയ്ക്ക് ഇത് ഗുരുതരമായ ഭീഷണിയാണ്. സുപ്രധാനമായ ഹോര്‍മുസ് ജലപാതകളുടെ സ്ഥിരതയെ ഇത് തകര്‍ക്കുമെന്ന് യുഎഇ വിദേശകാര്യ മന്ത്രാലയം പ്രസ്താവിച്ചു.
അതിനാല്‍, നാവിഗേഷന്‍ സ്വാതന്ത്ര്യത്തിന് ഊന്നല്‍ നല്‍കണം. രാജ്യാന്തര സമുദ്ര പാതകളുടെ സുരക്ഷ സംബന്ധിച്ച യുഎന്‍ സുരക്ഷാ കൗണ്‍സില്‍ പ്രമേയത്തിന്റെ ലംഘനമാണ് ഇതെന്നും മന്ത്രാലയം വ്യക്തമാക്കി. സാമ്പത്തിക സമ്മര്‍ദ്ദത്തിനോ ബ്ലാക്ക്‌മെയിലിനോ ഉള്ള ഒരു ഉപകരണമായി ഹോര്‍മുസ് കടലിടുക്കിനെ ഉപയോഗിക്കുന്നത് കടല്‍ക്കൊള്ളയാണെന്നും വിദേശകാര്യ മന്ത്രാലയം കുറ്റപ്പെടുത്തി.
ഹോര്‍മുസില്‍ ദക്ഷിണ കൊറിയന്‍ ചരക്ക് കപ്പലിന് നേരെയും ആക്രമണം; ആക്രമണത്തെ ശക്തമായി അപലപിച്ച് യുഎഇ
Elvis Chummar
Editorial Head · Jaihind TV (Middle East)
Updated Oct 13, 2026
1 min read
470 reads
