കൊച്ചി: പരിസ്ഥിതി ലോല മേഖല (ഇ.എസ്.എ) നിർണയത്തിൽ ജനങ്ങൾ ആശങ്കപ്പെടേണ്ടതില്ലെന്ന് വനം-വന്യജീവി വകുപ്പ് മന്ത്രി ഷിബു ബേബി ജോൺ. ജനവാസ മേഖലകളെ ഇ.എസ്.എ പരിധിയിൽ ഉൾപ്പെടുത്തില്ലെന്നും ഏതെങ്കിലും തരത്തിലുള്ള പ്രതികൂല സാഹചര്യമുണ്ടായാൽ സർക്കാർ ജനങ്ങൾക്കൊപ്പം ഉറച്ചുനിൽക്കുമെന്നും അദ്ദേഹം വ്യക്തമാക്കി. അസോസിയേഷൻ ഓഫ് പ്ലാനറ്റേഷൻസ് ഓഫ് കേരളയുടെ വാർഷിക പൊതുയോഗം കൊച്ചിയിൽ ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.
ഇ.എസ്.എ വ്യവസ്ഥകളിൽ പ്രധാനമായും മൂന്ന് കാര്യങ്ങളിൽ മാത്രമാണ് നിയന്ത്രണങ്ങൾ വരുന്നത്. മൈനിങ്, വൻകിട കെട്ടിട നിർമാണം, റെഡ് കാറ്റഗറിയിൽപ്പെടുന്ന വ്യവസായങ്ങൾ എന്നിവയ്ക്കാണ് നിയന്ത്രണം ഏർപ്പെടുത്തുകയെന്നും സാധാരണക്കാരുടെ ദൈനംദിന ജീവിതത്തെയോ കൃഷിയെയോ ഇത് ബാധിക്കില്ലെന്നും മന്ത്രി കൂട്ടിച്ചേർത്തു.
