കേരളം, ഗുജറാത്ത്, ആന്‍ഡമാന്‍ & നിക്കോബാര്‍ തീരങ്ങളില്‍ കടല്‍ത്തീര ഖനനം അനുവദിക്കാനുള്ള കേന്ദ്ര സര്‍ക്കാരിന്റെ തീരുമാനത്തെ ശക്തമായി അപലപിച്ച് പ്രതിപക്ഷ നേതാവ് രാഹുല്‍ ഗാന്ധി. പാരിസ്ഥിതിക ആഘാതം വിലയിരുത്താതെ കടല്‍ത്തീര ഖനനത്തിനുള്ള ടെന്‍ഡറുകള്‍ ക്ഷണിച്ച നടപടി നിര്‍ത്തിവയ്ക്കണമെന്നും അദ്ദേഹം ആവശ്യപ്പെട്ടു. പരിസ്ഥിതി ആഘാതത്തെക്കുറിച്ച് വിലയിരുത്തലുകളില്ലാതെ സ്വകാര്യ കമ്പനികള്‍ക്ക് കടല്‍ത്തീരം തുറന്നുകൊടുക്കുന്നത് ആശങ്കാജനകമെന്നും അദ്ദേഹം പ്രധാനമന്ത്രിയ്ക്ക് അയച്ച കത്തില്‍ ചൂണ്ടിക്കാട്ടി.
ഇന്ത്യന്‍ കടല്‍ത്തീരത്ത് ഖനനം തുടങ്ങുന്ന രീതിക്കെതിരെ നമ്മുടെ തീരദേശ സമൂഹങ്ങള്‍ പ്രതിഷേധത്തിലാണ്. ദശലക്ഷക്കണക്കിന് മത്സ്യത്തൊഴിലാളികള്‍ക്ക് അവരുടെ ഉപജീവനമാര്‍ഗ്ഗത്തിലും ജീവിതരീതിയിലും ഖനന നടപടികള്‍ ബാധിക്കുമെന്ന് ആശങ്ക പ്രകടിപ്പിച്ചു. യാതൊരു കൂടിയാലോചനയോ തീരദേശ സമൂഹങ്ങളില്‍ ദീര്‍ഘകാല സാമൂഹിക-സാമ്പത്തിക ആഘാതം വിലയിരുത്തലോ നടത്താതെയാണ് ടെന്‍ഡറുകള്‍ ക്ഷണിച്ചതെന്നും കത്തില്‍ രാഹുല്‍ ഗാന്ധി ചൂണ്ടിക്കാട്ടി.
വാസ്തവത്തില്‍, കേരള സര്‍വകലാശാലയുടെ അക്വാട്ടിക് ബയോളജി & ഫിഷറീസ് വകുപ്പിന്റെ മറൈന്‍ മോണിറ്ററിംഗ് ലാബിന്റെ (എംഎംഎല്‍) നടന്നുകൊണ്ടിരിക്കുന്ന സര്‍വേയില്‍, കടല്‍ത്തീര ഖനനം മത്സ്യ പ്രജനനത്തില്‍, പ്രത്യേകിച്ച് കൊല്ലത്ത്, വിനാശകരമായ പ്രത്യാഘാതങ്ങള്‍ ഉണ്ടാക്കുമെന്ന് കണ്ടെത്തിയിട്ടുണ്ട്. 11 ലക്ഷത്തിലധികം ആളുകള്‍ കേരളത്തില്‍ മത്സ്യബന്ധനത്തെ ആശ്രയിക്കുന്നു. ഇത് അവരുടെ പരമ്പരാഗത തൊഴിലാണ്, അവരുടെ ജീവിതരീതിയുമായി അടുത്ത ബന്ധപ്പെട്ടിരിക്കുന്നു. വൈവിധ്യമാര്‍ന്ന ആവാസവ്യവസ്ഥകള്‍ക്ക് ഗ്രേറ്റ് നിക്കോബാര്‍ ദ്വീപുകള്‍ ആഗോളതലത്തില്‍ അംഗീകരിക്കപ്പെട്ടിരിക്കുന്നു, കൂടാതെ നിരവധി പ്രാദേശിക വന്യജീവികളുടെ ആവാസ കേന്ദ്രവുമാണ്. കടല്‍ത്തീര ഖനനം മൂലമുണ്ടാകുന്ന ഏതൊരു നാശനഷ്ടവും പരിഹരിക്കാനാകാത്ത നാശനഷ്ടങ്ങള്‍ക്ക് കാരണമാകും. നമ്മുടെ തീരദേശങ്ങളില്‍ മണ്ണൊലിപ്പ് ചുഴലിക്കാറ്റുകള്‍ പോലുള്ള പ്രകൃതിദുരന്തങ്ങളുടെ ആഘാതം കൂടുതല്‍ വഷളാക്കിയ ഒരു ഘട്ടത്തില്‍, ശാസ്ത്രീയ വിലയിരുത്തലില്ലാതെ സര്‍ക്കാര്‍ മനഃപൂര്‍വ്വം പ്രവര്‍ത്തനങ്ങള്‍ക്ക് പച്ചക്കൊടി കാട്ടുന്നത് ആശങ്കാജനകമാണ്. രാഹുല്‍ ഗാന്ധി പറഞ്ഞു.
ഈ പശ്ചാത്തലത്തില്‍, ഓഫ്ഷോര്‍ ഖനന ബ്ലോക്കുകള്‍ക്കായി നല്‍കിയ ടെന്‍ഡറുകള്‍ റദ്ദാക്കണമെന്ന് സര്‍ക്കാരിനോട് ശക്തമായി അഭ്യര്‍ത്ഥിക്കുന്നതായും അദ്ദേഹം പറഞ്ഞു. കൂടാതെ, ഓഫ്ഷോര്‍ ഖനനത്തിന്റെ പാരിസ്ഥിതികവും സാമൂഹിക-സാമ്പത്തികവുമായ ആഘാതം വിലയിരുത്തുന്നതിന് കര്‍ശനമായ ശാസ്ത്രീയ പഠനങ്ങള്‍ നടത്തണമെന്നും അദ്ദേഹം ആവശ്യപ്പെട്ടു. എന്നാല്‍ ഏറ്റവും പ്രധാനമായി, ഏതെങ്കിലും പ്രധാന തീരുമാനം എടുക്കുന്നതിന് മുമ്പ് എല്ലാ പങ്കാളികളുമായും, പ്രത്യേകിച്ച് നമ്മുടെ മത്സ്യത്തൊഴിലാളികളുമായും കൂടിയാലോചിക്കേണ്ടതുണ്ടെന്നും അദ്ദേഹം ചൂണ്ടിക്കാട്ടി
കടല്‍ത്തീര ഖനനം: ടെന്‍ഡറുകള്‍ റദ്ദാക്കണമെന്ന് ആവശ്യപ്പെട്ട് പ്രധാനമന്ത്രിയ്ക്ക് രാഹുല്‍ ഗാന്ധിയുടെ കത്ത്
Jaihind TV News Report
Jaihind TV Web Desk
Updated Oct 11, 2026
3 min read
80 reads
കേരളം, ഗുജറാത്ത്, ആന്‍ഡമാന്‍ & നിക്കോബാര്‍ തീരങ്ങളില്‍ കടല്‍ത്തീര ഖനനം അനുവദിക്കാനുള്ള കേന്ദ്ര സര്‍ക്കാരിന്റെ തീരുമാനത്തെ ശക്തമായി അപലപിച്ച് പ്രതിപക്ഷ നേതാവ് രാഹുല്‍ ഗാന്ധി. പാരിസ്ഥിതിക ആഘാതം വിലയിരുത്താതെ കടല്‍ത്തീര ഖനനത്തിനുള്ള ടെന്‍ഡറുകള്‍ ക്ഷണിച്ച നടപടി നിര്‍ത്തിവയ്ക്കണമെന്നും അദ്ദേഹം ആവശ്യപ്പെട്ടു. പരിസ്ഥിതി ആഘാതത്തെക്കുറിച്ച് വിലയിരുത്തലുകളില്ലാതെ സ്വകാര്യ കമ്പനികള്‍ക്ക് കടല്‍ത്തീരം തുറന്നുകൊടുക്കുന്നത് ആശങ്കാജനകമെന്നും അദ്ദേഹം പ്രധാനമന്ത്രിയ്ക്ക് അയച്ച കത്തില്‍ ചൂണ്ടിക്കാട്ടി.
ഇന്ത്യന്‍ കടല്‍ത്തീരത്ത് ഖനനം തുടങ്ങുന്ന രീതിക്കെതിരെ നമ്മുടെ തീരദേശ സമൂഹങ്ങള്‍ പ്രതിഷേധത്തിലാണ്. ദശലക്ഷക്കണക്കിന് മത്സ്യത്തൊഴിലാളികള്‍ക്ക് അവരുടെ ഉപജീവനമാര്‍ഗ്ഗത്തിലും ജീവിതരീതിയിലും ഖനന നടപടികള്‍ ബാധിക്കുമെന്ന് ആശങ്ക പ്രകടിപ്പിച്ചു. യാതൊരു കൂടിയാലോചനയോ തീരദേശ സമൂഹങ്ങളില്‍ ദീര്‍ഘകാല സാമൂഹിക-സാമ്പത്തിക ആഘാതം വിലയിരുത്തലോ നടത്താതെയാണ് ടെന്‍ഡറുകള്‍ ക്ഷണിച്ചതെന്നും കത്തില്‍ രാഹുല്‍ ഗാന്ധി ചൂണ്ടിക്കാട്ടി.
വാസ്തവത്തില്‍, കേരള സര്‍വകലാശാലയുടെ അക്വാട്ടിക് ബയോളജി & ഫിഷറീസ് വകുപ്പിന്റെ മറൈന്‍ മോണിറ്ററിംഗ് ലാബിന്റെ (എംഎംഎല്‍) നടന്നുകൊണ്ടിരിക്കുന്ന സര്‍വേയില്‍, കടല്‍ത്തീര ഖനനം മത്സ്യ പ്രജനനത്തില്‍, പ്രത്യേകിച്ച് കൊല്ലത്ത്, വിനാശകരമായ പ്രത്യാഘാതങ്ങള്‍ ഉണ്ടാക്കുമെന്ന് കണ്ടെത്തിയിട്ടുണ്ട്. 11 ലക്ഷത്തിലധികം ആളുകള്‍ കേരളത്തില്‍ മത്സ്യബന്ധനത്തെ ആശ്രയിക്കുന്നു. ഇത് അവരുടെ പരമ്പരാഗത തൊഴിലാണ്, അവരുടെ ജീവിതരീതിയുമായി അടുത്ത ബന്ധപ്പെട്ടിരിക്കുന്നു. വൈവിധ്യമാര്‍ന്ന ആവാസവ്യവസ്ഥകള്‍ക്ക് ഗ്രേറ്റ് നിക്കോബാര്‍ ദ്വീപുകള്‍ ആഗോളതലത്തില്‍ അംഗീകരിക്കപ്പെട്ടിരിക്കുന്നു, കൂടാതെ നിരവധി പ്രാദേശിക വന്യജീവികളുടെ ആവാസ കേന്ദ്രവുമാണ്. കടല്‍ത്തീര ഖനനം മൂലമുണ്ടാകുന്ന ഏതൊരു നാശനഷ്ടവും പരിഹരിക്കാനാകാത്ത നാശനഷ്ടങ്ങള്‍ക്ക് കാരണമാകും. നമ്മുടെ തീരദേശങ്ങളില്‍ മണ്ണൊലിപ്പ് ചുഴലിക്കാറ്റുകള്‍ പോലുള്ള പ്രകൃതിദുരന്തങ്ങളുടെ ആഘാതം കൂടുതല്‍ വഷളാക്കിയ ഒരു ഘട്ടത്തില്‍, ശാസ്ത്രീയ വിലയിരുത്തലില്ലാതെ സര്‍ക്കാര്‍ മനഃപൂര്‍വ്വം പ്രവര്‍ത്തനങ്ങള്‍ക്ക് പച്ചക്കൊടി കാട്ടുന്നത് ആശങ്കാജനകമാണ്. രാഹുല്‍ ഗാന്ധി പറഞ്ഞു.
ഈ പശ്ചാത്തലത്തില്‍, ഓഫ്ഷോര്‍ ഖനന ബ്ലോക്കുകള്‍ക്കായി നല്‍കിയ ടെന്‍ഡറുകള്‍ റദ്ദാക്കണമെന്ന് സര്‍ക്കാരിനോട് ശക്തമായി അഭ്യര്‍ത്ഥിക്കുന്നതായും അദ്ദേഹം പറഞ്ഞു. കൂടാതെ, ഓഫ്ഷോര്‍ ഖനനത്തിന്റെ പാരിസ്ഥിതികവും സാമൂഹിക-സാമ്പത്തികവുമായ ആഘാതം വിലയിരുത്തുന്നതിന് കര്‍ശനമായ ശാസ്ത്രീയ പഠനങ്ങള്‍ നടത്തണമെന്നും അദ്ദേഹം ആവശ്യപ്പെട്ടു. എന്നാല്‍ ഏറ്റവും പ്രധാനമായി, ഏതെങ്കിലും പ്രധാന തീരുമാനം എടുക്കുന്നതിന് മുമ്പ് എല്ലാ പങ്കാളികളുമായും, പ്രത്യേകിച്ച് നമ്മുടെ മത്സ്യത്തൊഴിലാളികളുമായും കൂടിയാലോചിക്കേണ്ടതുണ്ടെന്നും അദ്ദേഹം ചൂണ്ടിക്കാട്ടി
