കോമൺവെൽത്ത് ഗെയിംസിൽ ഭാരോദ്വഹന താരം മീരാബായി ചാനുവിന്റെ ചരിത്രപരമായ ഹാട്രിക് സ്വർണ നേട്ടത്തിലൂടെ ഇന്ത്യ ആദ്യ സ്വർണം സ്വന്തമാക്കി. വനിതകളുടെ 48 കിലോഗ്രാം വിഭാഗത്തിലാണ് പുതിയ ഗെയിംസ് റെക്കോർഡോടെ മീരാബായ് സ്വർണ്ണപ്പതക്കം നേടിയത്. കോമൺവെൽത്ത് ഗെയിംസിൽ മീര നേടുന്ന തുടർച്ചയായ മൂന്നാമത്തെ സ്വർണനേട്ടമാണിത്.
സ്‌നാച്ചിലും ക്ലീൻ ആൻഡ് ജെർക്കിലുമായി ആകെ 190 കിലോഗ്രാം ഉയർത്തിയാണ് മീരാബായി ഒന്നാം സ്ഥാനം സ്വന്തമാക്കിയത്. സ്‌നാച്ച് വിഭാഗത്തിൽ മീര ഉയർത്തിയ 85 കിലോഗ്രാം പുതിയ ഗെയിംസ് റെക്കോർഡായി മാറി. ആദ്യ ശ്രമത്തിൽ 82 കിലോഗ്രാം ഉയർത്തുന്നതിൽ പരാജയപ്പെട്ടെങ്കിലും, രണ്ടാം ശ്രമത്തിൽ തിരികെ വന്ന് 85 കിലോഗ്രാം ഉയർത്തിയാണ് താരം റെക്കോർഡ് നേട്ടം കൈവരിച്ചത്. തുടർന്ന് ക്ലീൻ ആൻഡ് ജെർക്കിൽ 105 കിലോഗ്രാമും മീരാബായി വിജയകരമായി ഉയർത്തി.
