കാസർകോട്: കൊല്ലൂർ ശ്രീ മൂകാംബിക ക്ഷേത്രത്തിൽ ദർശനം നടത്തി മുഖ്യമന്ത്രി വി.ഡി. സതീശൻ. മുഖ്യമന്ത്രിയായതിന് ശേഷമുള്ള അദ്ദേഹത്തിന്റെ ആദ്യ ക്ഷേത്രദർശനമാണിത്.
ഇന്ന് രാവിലെ ആറുമണിയോടെയാണ് മുഖ്യമന്ത്രി ക്ഷേത്രത്തിലെത്തിയത്. ക്ഷേത്ര ട്രസ്റ്റ് അംഗങ്ങളും ഭാരവാഹികളും പൂർണകുംഭം നൽകി അദ്ദേഹത്തെ സ്വീകരിച്ചു. തുടർന്ന് ക്ഷേത്രത്തിലെ പ്രത്യേക പൂജകളിൽ അദ്ദേഹം പങ്കെടുത്തു.
ഇന്നലെ രാത്രി മംഗളൂരു അന്താരാഷ്ട്ര വിമാനത്താവളത്തിൽ എത്തിയ മുഖ്യമന്ത്രി കൊല്ലൂരിൽ രാത്രി തങ്ങി. ദർശനത്തിനും പൂജകൾക്കും ശേഷം ഇന്ന് ഉച്ചയ്ക്ക് 2.15-ന് മംഗളൂരു വിമാനത്താവളത്തിൽ നിന്ന് വിമാനമാർഗം അദ്ദേഹം മടങ്ങും.
മുഖ്യമന്ത്രിയുടെ സന്ദർശനത്തിന്റെ ഭാഗമായി ക്ഷേത്രപരിസരത്ത് ആവശ്യമായ സുരക്ഷാ ക്രമീകരണങ്ങൾ ഒരുക്കിയിരുന്നു.
