രാഷ്ട്രീയ കേരളത്തിന്റെ നെഞ്ചിടിപ്പേറ്റി നിയമസഭാ തിരഞ്ഞെടുപ്പ് വോട്ടെണ്ണൽ പുരോഗമിക്കുകയാണ്. സംസ്ഥാനത്തെ 140 മണ്ഡലങ്ങളിലായി 43 കേന്ദ്രങ്ങളിലാണ് വോട്ടെണ്ണൽ നടക്കുന്നത്. പോസ്റ്റൽ ബാലറ്റുകൾ എണ്ണിക്കഴിഞ്ഞപ്പോൾ എൽ.ഡി.എഫും യു.ഡി.എഫും തമ്മിൽ ഇഞ്ചോടിഞ്ച് പോരാട്ടമാണ് ദൃശ്യമാകുന്നത്.കളമശ്ശേരിയിലെ മൂന്നാം നമ്പർ സ്ട്രോങ്ങ് റൂം തുറക്കാൻ കഴിയാത്തതിനെ തുടർന്ന് പൂട്ട് തകർക്കാനുള്ള നീക്കത്തിലാണ് അധികൃതർ.
യന്ത്രങ്ങളിലെ വോട്ടുകൾ എണ്ണിത്തുടങ്ങിയതോടെ ഒൻപത് മണിയോടെ കൃത്യമായ ഫലസൂചനകൾ ലഭ്യമാകും.അതേസമയം പറവൂർ മണ്ഡലത്തിൽ പ്രതിപക്ഷ നേതാവ് വി.ഡി. സതീശൻ തുടക്കം മുതൽ ആധിപത്യം പുലർത്തുന്നു.വൈകുന്നേരം അഞ്ച് മണിക്ക് മുൻപായി സംസ്ഥാനത്തെ പൂർണ്ണരൂപം തെളിയുമെന്നാണ് മുഖ്യ തിരഞ്ഞെടുപ്പ് ഓഫീസർ അറിയിച്ചിരിക്കുന്നത്. ഓരോ മണ്ഡലത്തിലെയും തത്സമയ മാറ്റങ്ങൾ ഞങ്ങൾ നിങ്ങളിലേക്ക് എത്തിക്കുന്നതാണ്.
