യുഎഇയിലെ ആദ്യകാല ടെലികോം കമ്പനിയായ എത്തിസലാത്ത് , വീണ്ടും പഴയ പേരിലേക്ക് മാറുന്നു. ഇതിന്റെ ഭാഗമായി ഇ ആന്‍ഡ് എന്ന, നിലവിലെ പേര് മാറിയേക്കാം. 2022 ലാണ്, ഇ ആന്‍ഡ് എന്ന പേരിലേക്ക് എത്തിസലാത്ത് മാറിയത്. 1976 ല്‍ ടെലിഫോണ്‍ ലൈന്‍ സേവനവുമായി, ആരംഭിച്ച എത്തസലാത്ത് കമ്പനിയുടെ 50- മത് വാര്‍ഷിക ആഘോഷ വേളയിലാണ് ഈ പ്രഖ്യാപനം. വാര്‍ഷികത്തോടനുബന്ധിച്ച്, ഉപഭോക്താക്കള്‍ക്കായി സൗജന്യ ലോക്കല്‍ ഡാറ്റ, പ്രത്യേക പാക്കേജുകള്‍, റോമിംഗ് ആനുകൂല്യങ്ങള്‍ എന്നിവ കമ്പനി പ്രഖ്യാപിച്ചു. കൂടാതെ, 2030 വര്‍ഷത്തോടെ, രാജ്യാന്തര കണക്റ്റിവിറ്റി ശേഷി സെക്കന്‍ഡില്‍ 500 ടെറാബിറ്റായി ഉയര്‍ത്തുന്ന ബൃഹത്തായ പദ്ധതിക്കും കമ്പനി തുടക്കമിട്ടു. ഷെയ്ഖ് മന്‍സൂര്‍ ബിന്‍ സായിദ് അല്‍ നഹ്യാന്റെ സാന്നിധ്യത്തിലായിരുന്നു ഈ പ്രഖ്യാപനങ്ങള്‍.
യുഎഇ ടെലികോം കമ്പനി എത്തിസലാത്ത് വീണ്ടും പഴയ പേരിലേക്ക്; 'e&' എന്ന ബ്രാന്‍ഡ് പേര് മാറിയേക്കാം; പ്രഖ്യാപനം 50-ാം വാര്‍ഷികാഘോഷ വേളയിൽ
Jaihind TV News Report
Jaihind TV Web Desk
Updated Oct 13, 2026
1 min read
238 reads
