Mobile app available on
Trending
Browse

All sections

Watch
Browse all videos

No business videos available

No Middle East videos available

Latest News

സോഷ്യല്‍ മീഡിയയിലെ അധികാരമാറ്റം: ബിജെപിയുടെ തന്ത്രങ്ങള്‍ പഴങ്കഥയാകുന്നു; ഇന്‍സ്റ്റാഗ്രാമില്‍ കോണ്‍ഗ്രസ് മുന്നേറ്റം

സോഷ്യല്‍ മീഡിയയിലെ അധികാരമാറ്റം: ബിജെപിയുടെ തന്ത്രങ്ങള്‍ പഴങ്കഥയാകുന്നു; ഇന്‍സ്റ്റാഗ്രാമില്‍ കോണ്‍ഗ്രസ് മുന്നേറ്റം
ഇന്ത്യന്‍ രാഷ്ട്രീയത്തിലെ ഡിജിറ്റല്‍ ലോകത്ത് പുതിയ ചലനങ്ങള്‍. സോഷ്യല്‍ മീഡിയയില്‍ ബിജെപിക്ക് ഉണ്ടായിരുന്ന ആധിപത്യം തകര്‍ത്ത് കോണ്‍ഗ്രസിന്റെ മുന്നേറ്റം. യുവ വോട്ടര്‍മാരെ ആകര്‍ഷിക്കുന്നതില്‍ പ്രധാന പങ്കുവഹിക്കുന്ന ഇന്‍സ്റ്റാഗ്രാമിലാണ് കോണ്‍ഗ്രസ് വലിയ നേട്ടം കൈവരിക്കുന്നത്. യുവജനങ്ങളുമായി കൂടുതല്‍ അടുക്കുന്നതിനായി കോണ്‍ഗ്രസ് പുതിയൊരു ഡിജിറ്റല്‍ തന്ത്രം ആവിഷ്‌കരിച്ചതാണ് ഈ മാറ്റത്തിന് പിന്നില്‍. റീലുകളും ചെറിയ വീഡിയോകളും ഉള്‍പ്പെടെയുള്ള ഉള്ളടക്കങ്ങള്‍ ഉപയോഗിച്ച്, പാര്‍ട്ടി കൂടുതല്‍ ആകര്‍ഷകവും പ്രചാരണയോഗ്യവുമായ വിവരങ്ങള്‍ പങ്കുവെക്കുന്നു. രാഹുല്‍ ഗാന്ധിയെപ്പോലുള്ള നേതാക്കളെ കൂടുതല്‍ വ്യക്തിപരവും ലളിതവുമായ രീതിയില്‍ അവതരിപ്പിക്കുന്ന വീഡിയോകള്‍ക്ക് വലിയ സ്വീകാര്യതയാണ് ലഭിക്കുന്നത്. ഇത് ബിജെപിയുടെ ഔദ്യോഗികവും നയപരവുമായ ഉള്ളടക്കങ്ങളില്‍ നിന്ന് വ്യത്യസ്തമാണ്. നിലവിലെ രാഷ്ട്രീയ സാഹചര്യങ്ങള്‍ കോണ്‍ഗ്രസിന്റെ ഡിജിറ്റല്‍ തന്ത്രങ്ങള്‍ക്ക് കൂടുതല്‍ കരുത്ത് നല്‍കുന്നുണ്ട്. വോട്ടിങ് യന്ത്രങ്ങളെക്കുറിച്ചുള്ള സംശയങ്ങള്‍ ഉന്നയിച്ചുകൊണ്ട് രാഹുല്‍ ഗാന്ധി നടത്തിയ 'വോട്ട് ചോരി' ആരോപണം സോഷ്യല്‍ മീഡിയയില്‍ വലിയ ചര്‍ച്ചകള്‍ക്ക് വഴിയൊരുക്കിയിരിക്കുകയാണ് തിരഞ്ഞെടുപ്പ് പ്രക്രിയയുടെ വിശ്വാസ്യതയെക്കുറിച്ചുള്ള ഈ ചോദ്യങ്ങള്‍ യുവജനങ്ങള്‍ക്കിടയില്‍ വലിയ തരംഗം സൃഷ്ടിച്ചു. ബിജെപിയുടെ ഔദ്യോഗിക പ്രതികരണങ്ങള്‍ക്കപ്പുറം, ഈ വിഷയത്തില്‍ ജനങ്ങള്‍ക്കിടയില്‍ ഒരു സംവാദം സൃഷ്ടിക്കാന്‍ കോണ്‍ഗ്രസിന് സാധിച്ചു. ഇന്‍സ്റ്റാഗ്രാമിലെ റീലുകളും പോസ്റ്റുകളും വഴി കോണ്‍ഗ്രസ് ഈ ആരോപണങ്ങള്‍ ജനങ്ങളിലേക്ക് നേരിട്ടെത്തിച്ചു. രാഹുല്‍ ഗാന്ധി നേരിട്ട് ഈ വിഷയങ്ങള്‍ ഉന്നയിക്കുകയും അതിന്റെ പിന്നിലെ കാരണങ്ങള്‍ ലളിതമായി വിശദീകരിക്കുകയും ചെയ്തത് അദ്ദേഹത്തിന്റെ ആധികാരികത വര്‍ദ്ധിപ്പിക്കുന്നതായി പലരും കരുതുന്നു. 'ഇന്ത്യന്‍ ജനാധിപത്യം അപകടത്തിലാണോ?' എന്ന തരത്തിലുള്ള വലിയ ചര്‍ച്ചകള്‍ക്ക് ഈ ആരോപണങ്ങള്‍ വഴിയൊരുക്കി. ഇത് യുവജനങ്ങളെ രാഷ്ട്രീയത്തെ കൂടുതല്‍ ഗൗരവമായി കാണാന്‍ പ്രേരിപ്പിക്കുന്നു. സര്‍ക്കാര്‍ നേട്ടങ്ങളും ദേശീയതയും ഊന്നിപ്പറയുന്ന ബിജെപിയുടെ പ്രചാരണ രീതിക്ക് യുവ വോട്ടര്‍മാര്‍ക്കിടയില്‍ പഴയ പ്രസക്തി നഷ്ടപ്പെട്ടു എന്നതിന്റെ തെളിവാണ് ഇന്‍സ്റ്റാഗ്രാം ഫോളോവേഴ്സിന്റെ എണ്ണത്തിലുള്ള ഈ മാറ്റം സൂചിപ്പിക്കുന്നത്. പൊതുജനാഭിപ്രായം രൂപീകരിക്കുന്നതില്‍ സോഷ്യല്‍ മീഡിയ ഒരു പ്രധാന യുദ്ധക്കളമായി മാറിയിരിക്കുന്നു. രാജ്യത്തെ യുവ വോട്ടര്‍മാരുടെ വലിയൊരു വിഭാഗം ഈ പ്ലാറ്റ്ഫോമുകളിലൂടെയാണ് രാഷ്ട്രീയ നിലപാടുകള്‍ രൂപപ്പെടുത്തുന്നത്. കോണ്‍ഗ്രസിന്റെ ഈ മുന്നേറ്റം, പുതിയൊരു രാഷ്ട്രീയ കാഴ്ചപ്പാടിനായി യുവതലമുറ കാത്തിരിക്കുന്നു എന്നതിന്റെ സൂചനയ കൂടിയാണ് നല്‍കുന്നത്.

Related articles

See all
Popular News

പാകിസ്താനുള്ള ചൈനീസ് സൈനിക പിന്തുണ ഇന്ത്യയ്ക്ക് കടുത്ത സുരക്ഷാ വെല്ലുവിളി: യു.എസ് കമ്മീഷന്...

Popular News

പ്രണയബന്ധം അവസാനിപ്പിച്ചതിൽ പ്രകോപിതനായി കാമുകിയുടെ വീടിന് തീയിട്ടു; യുവാവ് അറസ്റ്റിൽ

Popular News

ഗ്യാനേഷ് കുമാറിന്റെ രാജി ആവശ്യം ഭയന്ന് മോദി സര്‍ക്കാര്‍ പാർലമെന്റിൽ നിന്ന് ഒളിച്ചോടുന്നു;...

Popular News

'രാവണനെ മഹത്വവത്കരിക്കുന്നു, ഇതിഹാസത്തെ വളച്ചൊടിക്കുന്നു'; സിനിമയുടെ പ്രദർശനം നിർത്തിവെക്ക...

Save your stories

Sign in