പട്ന: വോട്ടു കൊള്ളയ്ക്കും ബിഹാറിലെ വോട്ടര്‍ പട്ടിക പരിഷ്‌കരണത്തിനും എതിരെ ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധി നയിക്കുന്ന 'വോട്ടര്‍ അധികാര്‍ യാത്ര'യുടെ പര്യടനം ഇന്ന് അവസാനിക്കും. പതിനാലാം ദിവസമായ ഇന്ന് ബിഹാറിലെ സരണ്‍ ജില്ലയില്‍ നിന്നാണ് യാത്രയുടെ അവസാന ഘട്ട പര്യടനം ആരംഭിക്കുന്നത്.
ഓഗസ്റ്റ് 17-ന് സസറാമില്‍ നിന്ന് ആരംഭിച്ച യാത്ര, വോട്ടര്‍ പട്ടികയില്‍ നിന്ന് വ്യാജ വോട്ടര്‍മാരെ ഒഴിവാക്കാതെയും യഥാര്‍ത്ഥ വോട്ടര്‍മാരെ ചേര്‍ക്കാതെയും നടത്തുന്ന ക്രമക്കേടുകള്‍ക്കെതിരെയാണ് പ്രധാനമായും ശബ്ദമുയര്‍ത്തിയത്. ബിഹാറിലെ രാഷ്ട്രീയ സാഹചര്യത്തില്‍ നിര്‍ണായകമായ ഈ വിഷയങ്ങള്‍ ഉന്നയിച്ചുകൊണ്ട് രാഹുല്‍ ഗാന്ധി നടത്തിയ യാത്രയ്ക്ക് വലിയ ജനപിന്തുണയാണ് ലഭിച്ചത്. വഴിയോരങ്ങളില്‍ തടിച്ചുകൂടിയ ആയിരക്കണക്കിന് ജനങ്ങള്‍ യാത്രക്ക് ഊഷ്മളമായ സ്വീകരണമാണ് നല്‍കിയത്.
കോണ്‍ഗ്രസിന്റെ നേതൃത്വത്തില്‍ 'ഇന്ത്യ' സഖ്യം നടത്തിയ ഈ ജനകീയ മുന്നേറ്റത്തില്‍ തമിഴ്‌നാട് മുഖ്യമന്ത്രി എം.കെ. സ്റ്റാലിന്‍, കര്‍ണാടക മുഖ്യമന്ത്രി സിദ്ധരാമയ്യ തുടങ്ങി സഖ്യത്തിലെ പ്രമുഖ നേതാക്കള്‍ അണിനിരന്നത് യാത്രയുടെ പ്രാധാന്യം വര്‍ദ്ധിപ്പിച്ചു. യാത്ര ഒരു രാഷ്ട്രീയ പ്രസ്താവന എന്നതിലുപരി, വരാനിരിക്കുന്ന തിരഞ്ഞെടുപ്പുകളില്‍ വോട്ടവകാശം സംരക്ഷിക്കേണ്ടതിന്റെ ആവശ്യകതയെക്കുറിച്ചുള്ള ഒരു സന്ദേശം കൂടിയാണ് നല്‍കിയത്.
ഒരു ദിവസത്തെ ഇടവേളക്ക് ശേഷം, വോട്ടു കൊള്ളക്കെതിരെ സെപ്റ്റംബര്‍ ഒന്നിന് പട്‌നയില്‍ മഹാറാലി സംഘടിപ്പിക്കും. 'ഇന്ത്യ' സഖ്യത്തിലെ ഉന്നത നേതാക്കള്‍ പങ്കെടുക്കുന്ന ഈ റാലി, ബിഹാറില്‍ സഖ്യത്തിന്റെ ശക്തി തെളിയിക്കുന്നതിനുള്ള ഒരു പ്രധാന വേദിയായി മാറും. രാജ്യത്തെ ജനാധിപത്യപരമായ അവകാശങ്ങള്‍ സംരക്ഷിക്കാനുള്ള ശ്രമങ്ങള്‍ക്ക് ഈ മഹാറാലി ഒരു പുതിയ ദിശാബോധം നല്‍കുമെന്നും രാഷ്ട്രീയ നിരീക്ഷകര്‍ വിലയിരുത്തുന്നു.
Voter Adhikar Yathra| വോട്ടര്‍ അധികാര്‍ യാത്ര: പര്യടനം ഇന്ന് അവസാനിക്കും; സെപ്റ്റംബര്‍ ഒന്നിന് പട്‌നയില്‍ മഹാറാലി
Jaihind TV News Report
Jaihind TV Web Desk
Updated Oct 05, 2026
2 min read
28 reads
പട്ന: വോട്ടു കൊള്ളയ്ക്കും ബിഹാറിലെ വോട്ടര്‍ പട്ടിക പരിഷ്‌കരണത്തിനും എതിരെ ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധി നയിക്കുന്ന 'വോട്ടര്‍ അധികാര്‍ യാത്ര'യുടെ പര്യടനം ഇന്ന് അവസാനിക്കും. പതിനാലാം ദിവസമായ ഇന്ന് ബിഹാറിലെ സരണ്‍ ജില്ലയില്‍ നിന്നാണ് യാത്രയുടെ അവസാന ഘട്ട പര്യടനം ആരംഭിക്കുന്നത്.
ഓഗസ്റ്റ് 17-ന് സസറാമില്‍ നിന്ന് ആരംഭിച്ച യാത്ര, വോട്ടര്‍ പട്ടികയില്‍ നിന്ന് വ്യാജ വോട്ടര്‍മാരെ ഒഴിവാക്കാതെയും യഥാര്‍ത്ഥ വോട്ടര്‍മാരെ ചേര്‍ക്കാതെയും നടത്തുന്ന ക്രമക്കേടുകള്‍ക്കെതിരെയാണ് പ്രധാനമായും ശബ്ദമുയര്‍ത്തിയത്. ബിഹാറിലെ രാഷ്ട്രീയ സാഹചര്യത്തില്‍ നിര്‍ണായകമായ ഈ വിഷയങ്ങള്‍ ഉന്നയിച്ചുകൊണ്ട് രാഹുല്‍ ഗാന്ധി നടത്തിയ യാത്രയ്ക്ക് വലിയ ജനപിന്തുണയാണ് ലഭിച്ചത്. വഴിയോരങ്ങളില്‍ തടിച്ചുകൂടിയ ആയിരക്കണക്കിന് ജനങ്ങള്‍ യാത്രക്ക് ഊഷ്മളമായ സ്വീകരണമാണ് നല്‍കിയത്.
കോണ്‍ഗ്രസിന്റെ നേതൃത്വത്തില്‍ 'ഇന്ത്യ' സഖ്യം നടത്തിയ ഈ ജനകീയ മുന്നേറ്റത്തില്‍ തമിഴ്‌നാട് മുഖ്യമന്ത്രി എം.കെ. സ്റ്റാലിന്‍, കര്‍ണാടക മുഖ്യമന്ത്രി സിദ്ധരാമയ്യ തുടങ്ങി സഖ്യത്തിലെ പ്രമുഖ നേതാക്കള്‍ അണിനിരന്നത് യാത്രയുടെ പ്രാധാന്യം വര്‍ദ്ധിപ്പിച്ചു. യാത്ര ഒരു രാഷ്ട്രീയ പ്രസ്താവന എന്നതിലുപരി, വരാനിരിക്കുന്ന തിരഞ്ഞെടുപ്പുകളില്‍ വോട്ടവകാശം സംരക്ഷിക്കേണ്ടതിന്റെ ആവശ്യകതയെക്കുറിച്ചുള്ള ഒരു സന്ദേശം കൂടിയാണ് നല്‍കിയത്.
ഒരു ദിവസത്തെ ഇടവേളക്ക് ശേഷം, വോട്ടു കൊള്ളക്കെതിരെ സെപ്റ്റംബര്‍ ഒന്നിന് പട്‌നയില്‍ മഹാറാലി സംഘടിപ്പിക്കും. 'ഇന്ത്യ' സഖ്യത്തിലെ ഉന്നത നേതാക്കള്‍ പങ്കെടുക്കുന്ന ഈ റാലി, ബിഹാറില്‍ സഖ്യത്തിന്റെ ശക്തി തെളിയിക്കുന്നതിനുള്ള ഒരു പ്രധാന വേദിയായി മാറും. രാജ്യത്തെ ജനാധിപത്യപരമായ അവകാശങ്ങള്‍ സംരക്ഷിക്കാനുള്ള ശ്രമങ്ങള്‍ക്ക് ഈ മഹാറാലി ഒരു പുതിയ ദിശാബോധം നല്‍കുമെന്നും രാഷ്ട്രീയ നിരീക്ഷകര്‍ വിലയിരുത്തുന്നു.
