കോണ്‍ഗ്രസ് പ്രവര്ത്തകര്ക്ക് നേരെ സിപിഎമ്മും ബിജെപിയും ചേര്‍ന്ന് സംഘടിത ആക്രമണം അഴിച്ചുവിടുകയാണെന്ന് വൈദ്യുതി വകുപ്പ് മന്ത്രി സണ്ണി ജോസഫ് ആരോപിച്ചു. കണ്ണൂരില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം. പാര്‍ട്ടി നേതൃത്വത്തിന്റെ പൂര്‍ണ്ണ അറിവോടെയാണ് ഈ അക്രമങ്ങളെല്ലാം നടക്കുന്നതെന്നും മന്ത്രി വ്യക്തമാക്കി.
മന്ത്രി ഒ.ജെ. ജനീഷിനെതിരെ വിവിധയിടങ്ങളിലായി ഏഴ് തവണയാണ് അതിക്രമങ്ങള്‍ ഉണ്ടായത്. കേരളത്തില്‍ ക്രമസമാധാനം ബോധപൂര്‍വ്വം ഇല്ലാതാക്കാനുള്ള നീക്കമാണ് ഇതിലൂടെ നടക്കുന്നത്. മന്ത്രിമാരുടെ ഔദ്യോഗിക യാത്രകള്‍ ജനങ്ങളുടെ ആവശ്യങ്ങള്‍ നിറവേറ്റാന്‍ വേണ്ടിയുള്ളതാണെന്നും അദ്ദേഹം കൂട്ടിച്ചേര്‍ത്തു.
നാട്ടില്‍ സമാധാനാന്തരീക്ഷം ഉറപ്പാക്കാന്‍ പ്രതിപക്ഷ കക്ഷികള്‍
അനുയോജ്യമായ നിലപാടുകള്‍ സ്വീകരിക്കണമെന്ന് മന്ത്രി സണ്ണി ജോസഫ് ആവശ്യപ്പെട്ടു.
