തിരുവനന്തപുരം: സംസ്ഥാനത്തെ കായികമേഖല നേരിടുന്ന പരാതികൾ പരിഹരിച്ച് കായികതാരങ്ങൾക്ക് ആവശ്യമായ എല്ലാ സൗകര്യങ്ങളും സർക്കാർ ഉറപ്പുവരുത്തുമെന്ന് മുഖ്യമന്ത്രി വി.ഡി. സതീശൻ പ്രഖ്യാപിച്ചു. കായികതാരങ്ങൾക്ക് ആവശ്യമായ സാമ്പത്തിക സഹായങ്ങൾ നൽകുന്നതിനൊപ്പം അർഹരായവർക്ക് സംസ്ഥാനത്ത് തന്നെ ജോലി ലഭ്യമാക്കാനുള്ള നടപടികൾ സ്വീകരിക്കുമെന്നും മുഖ്യമന്ത്രി വ്യക്തമായി പറഞ്ഞു.
ലഹരിക്കെതിരായ പോരാട്ടത്തിൽ കായികമേഖലയ്ക്ക് നിർണായക പങ്ക് വഹിക്കാനുണ്ടെന്ന് അദ്ദേഹം ചൂണ്ടിക്കാട്ടി. യുവതലമുറയെ ലഹരിയിൽ നിന്ന് അകറ്റി നിർത്തി കായിക മേഖലയിലേക്ക് ആകർഷിക്കുന്നതിനായി സംസ്ഥാനത്തുടനീളം കൂടുതൽ കളിക്കളങ്ങൾ ഒരുക്കും. നാടിന്റെ എല്ലാ ഭാഗങ്ങളിലും ആവശ്യത്തിന് കായിക പശ്ചാത്തല സൗകര്യങ്ങൾ വികസിപ്പിക്കാനാണ് സർക്കാർ ലക്ഷ്യമിടുന്നത്.
2036-ലെ ഒളിമ്പിക്സ് ലക്ഷ്യമിട്ട് മുന്നേറേണ്ടതിന്റെ ആവശ്യകതയും മുഖ്യമന്ത്രി ഓർമ്മിപ്പിച്ചു. ബാല്യകാലം മുതൽ തന്നെ മികച്ച കായികപ്രതിഭകളെ കണ്ടെത്തി ആവശ്യമായ അന്താരാഷ്ട്ര തലത്തിലുള്ള പരിശീലനം നൽകേണ്ടതുണ്ടെന്നും അദ്ദേഹം കൂട്ടിച്ചേർത്തു.
