ഓഗസ്റ്റ് മാസത്തിൽ ബാങ്ക് ഇടപാടുകൾ നടത്താൻ പദ്ധതിയിടുന്നവർ ബാങ്ക് അവധി ദിനങ്ങൾ മുൻകൂട്ടി അറിഞ്ഞിരിക്കണം. വിവിധ ദേശീയ-പ്രാദേശിക അവധികൾ, ഞായറാഴ്ചകൾ, രണ്ടാമത്തെയും നാലാമത്തെയും ശനിയാഴ്ചകൾ എന്നിവ ഉൾപ്പെടെ രാജ്യത്ത് ഓഗസ്റ്റിൽ ആകെ 14 ദിവസമാണ് ബാങ്കുകൾ പ്രവർത്തിക്കാത്തത്.
കേരളത്തിൽ ഞായറാഴ്ചകൾ, രണ്ടാമത്തെ ശനിയാഴ്ച, നാലാമത്തെ ശനിയാഴ്ച, സ്വാതന്ത്ര്യദിനം, ഒന്നാം ഓണം, തിരുവോണം, ശ്രീനാരായണ ഗുരു ജയന്തി എന്നിവ ഉൾപ്പെടെ 11 ദിവസമാണ് ബാങ്കുകൾക്ക് അവധിയുള്ളത്.
സംസ്ഥാനങ്ങൾക്കനുസരിച്ച് ബാങ്ക് അവധി ദിനങ്ങളിൽ വ്യത്യാസമുണ്ടാകും. അതിനാൽ മറ്റ് സംസ്ഥാനങ്ങളിലേക്ക് യാത്ര ചെയ്യുന്നവരോ അവിടങ്ങളിലെ ബാങ്ക് സേവനങ്ങൾ ഉപയോഗിക്കുന്നവരോ അതത് സംസ്ഥാനങ്ങളിലെ അവധി പട്ടിക പരിശോധിക്കുന്നത് ഉചിതമാണ്.
അതേസമയം, ബാങ്ക് ശാഖകൾ അടഞ്ഞിരിക്കുമെങ്കിലും നെറ്റ് ബാങ്കിങ്, മൊബൈൽ ബാങ്കിങ്, യു.പി.ഐ. ഉൾപ്പെടെയുള്ള ഡിജിറ്റൽ സേവനങ്ങൾ പതിവുപോലെ ലഭ്യമാകും. ബാങ്ക് അവധി ദിനങ്ങൾ റിസർവ് ബാങ്ക് ഓഫ് ഇന്ത്യ (ആർ.ബി.ഐ.) പുറത്തിറക്കുന്ന ഹോളിഡേ കലണ്ടർ അനുസരിച്ചാണ് നിശ്ചയിച്ചിരിക്കുന്നത്.
ഓഗസ്റ്റിലെ ബാങ്ക് അവധി ദിനങ്ങൾ
ഓഗസ്റ്റ് 2 – ഞായറാഴ്ച
ഓഗസ്റ്റ് 4 – ത്രിപുരയിൽ പ്രാദേശിക അവധി
ഓഗസ്റ്റ് 8 – രണ്ടാം ശനിയാഴ്ച
ഓഗസ്റ്റ് 9 – ഞായറാഴ്ച
ഓഗസ്റ്റ് 13 – മണിപ്പൂരിൽ പ്രാദേശിക അവധി
ഓഗസ്റ്റ് 15 – സ്വാതന്ത്ര്യദിനം (രാജ്യവ്യാപക അവധി)
ഓഗസ്റ്റ് 16– ഞായറാഴ്ച
ഓഗസ്റ്റ് 19 – ത്രിപുരയിൽ പ്രാദേശിക അവധി
ഓഗസ്റ്റ് 22 – നാലാം ശനിയാഴ്ച
ഓഗസ്റ്റ് 23 – ഞായറാഴ്ച
ഓഗസ്റ്റ് 25 – ഒന്നാം ഓണം (കേരളം)
ഓഗസ്റ്റ് 26 – തിരുവോണം (കേരളം)
ഓഗസ്റ്റ് 28 – ശ്രീനാരായണ ഗുരു ജയന്തി (കേരളം)
ഓഗസ്റ്റ് 30 – ഞായറാഴ്ച
ബാങ്ക് ശാഖകളിൽ നേരിട്ട് എത്തി നടത്തേണ്ട ഇടപാടുകൾ ഉള്ളവർ അവധി ദിനങ്ങൾ കണക്കിലെടുത്ത് മുൻകൂട്ടി പദ്ധതി തയ്യാറാക്കുന്നത് അനാവശ്യ ബുദ്ധിമുട്ടുകൾ ഒഴിവാക്കാൻ സഹായിക്കും.
