ആകർഷകമായ ശീർഷകം, സരസമായ ആവിഷ്കാരം; 'വ്യാകരണമില്ലാത്ത ജീവിതം' എന്ന കെ.എന്.എ. ഖാദറിന്റെ ആത്മകഥ പ്രകാശനം ചെയ്തു
മുതിർന്ന മുസ്ലിം ലീഗ് നേതാവും മുൻ എം.എൽ.എയുമായ കെ.എൻ.എ. ഖാദറിന്റെ ആത്മകഥ 'വ്യാകരണമില്ലാത്ത ജീവിതം' പ്രകാശനം ചെയ്തു. മലപ്പുറത്ത് നടന്ന പ്രൗഢഗംഭീരമായ ചടങ്ങിൽ പ്രതിപക്ഷ നേതാവ് വി.ഡി. സതീശൻ മുസ്ലിം ലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടിക്ക് പുസ്തകം നൽകിയാണ് പ്രകാശന കർമ്മം നിർവ്വഹിച്ചത്. കമ്മ്യൂണിസ്റ്റ് രാഷ്ട്രീയത്തിൽ നിന്നും മുസ്ലിം ലീഗിലേക്കുള്ള അദ്ദേഹത്തിന്റെ ചുവടുമാറ്റവും ജീവിതത്തിലെ നിർണ്ണായക വഴിത്തിരിവുകളുമാണ് പുസ്തകത്തിലെ പ്രധാന ഉള്ളടക്കം.
മുസ്ലിം ലീഗ് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങളാണ് ചടങ്ങ് ഉദ്ഘാടനം ചെയ്തത്. സൈദ്ധാന്തികമായ വാദമുഖങ്ങൾക്കപ്പുറം പ്രായോഗിക രാഷ്ട്രീയത്തിന്റെ കരുത്ത് മുസ്ലിം ലീഗിലാണെന്ന് തിരിച്ചറിഞ്ഞതോടെയാണ് കെ.എൻ.എ. ഖാദർ സി.പി.ഐ ഉപേക്ഷിച്ച് ലീഗിൽ എത്തിയതെന്ന് തങ്ങൾ പറഞ്ഞു. ഈ രാഷ്ട്രീയ മാറ്റത്തിന്റെ പശ്ചാത്തലവും പുസ്തകത്തിൽ വിശദമായി പ്രതിപാദിക്കുന്നുണ്ട്.
'വ്യാകരണമില്ലാത്ത ജീവിതം' എന്ന പേരിൽ തന്നെ വായനക്കാരെ ആകർഷിക്കുന്ന ഒരു ഘടകമുണ്ടെന്ന് പുസ്തകം പ്രകാശനം ചെയ്ത വി.ഡി. സതീശൻ അഭിപ്രായപ്പെട്ടു. സങ്കീർണ്ണമായ വിഷയങ്ങളെപ്പോലും സരസമായും കാലികമായും അവതരിപ്പിക്കാനുള്ള ഖാദറിന്റെ വൈഭവം പുസ്തകത്തിലും പ്രതിഫലിക്കുന്നുണ്ടെന്ന് പി.കെ. കുഞ്ഞാലിക്കുട്ടി പറഞ്ഞു. മലപ്പുറത്ത് നടന്ന ചടങ്ങിൽ വി.എസ്. ജോയ്, അബ്ദുൾ മജീദ്, എം.വി. ശ്രേയാംസ് കുമാർ, പി. അബ്ദുൽ ഹമീദ്, ഫാത്തിമ തഹ്ലിയ തുടങ്ങി രാഷ്ട്രീയ-സാംസ്കാരിക രംഗത്തെ പ്രമുഖർ പങ്കെടുത്തു.
MOST POPULAR
EDITOR'S PICK 6
TRENDING
GET DAILY UPDATES
Newsletter
Get daily news updates directly to your inbox.