മുന്‍ ഇന്ത്യന്‍ ക്രിക്കറ്റ് ടീം ക്യാപ്റ്റനായിരുന്ന സൗരവ് ഗാംഗുലിയുടെ ജീവിതകഥ ഇനി ബിഗ് സ്‌ക്രീനിൽ. സിനിമയുടെ ഫസ്റ്റ്ലുക്ക് പോസ്റ്റർ പുറത്തിറങ്ങി . സൗരവ് ഗാംഗുലിയുടെ 54മത് ജന്മദിനമായ ഇന്ന് ദാദാ എന്നു പേരിട്ടിരിക്കുന്ന ചിത്രത്തിൽ ബോളിവുഡ് താരം രാജ്കുമാറാണ് റാവുവാണ് ഗാംഗുലിയായി അഭിയനയിക്കുന്നത്. ലോക ക്രിക്കറ്റിന്‍റെ തറവാടായ ലോർഡ്സിലെ ബാൽക്കണിയിൽനിന്നുകൊണ്ട് ജഴ്സിയൂരി വീശിയ സൗരവ് ഗാംഗുലിയെ അനുസ്മരിപ്പിക്കുന്നതാണ് ഫസ്റ്റ് ലുക്ക് പോസ്റ്ററിൽ കാണാം.
വിക്രമാദിത്യ മൊത്വാനെ സംവിധാനം ചെയ്യുന്ന ചിത്രം ലവ് രഞ്ജനും ഗുൽഷൻ കുമാറും ചേർന്നാണ് നിർമാണം ഒരുക്കുന്നത്. ചിത്രം തിയറ്ററുകളിലെത്തുന്നത് അടുത്ത വർഷം മേയ് 14നാണ്. ഇന്ത്യയ്ക്കായി 113 ടെസ്റ്റുകളും 311 ഏകദിനങ്ങളും കളിച്ച താരമാണ് ഗാംഗുലി. ലെഫ്റ്റ് ഹാൻഡ് ബാറ്റ്‌സ്മാനായ അദ്ദേഹം രാജ്യാന്തര ക്രിക്കറ്റ് കരിയറില്‍ വിവിധ ഫോര്‍മാറ്റുകളിലായി 18575 റണ്‍സ് നേടിയിട്ടുണ്ട്. കൊല്‍ക്കത്തയുടെ രാജകുമാരന്‍ എന്ന് വിശേഷിപ്പിക്കുന്ന ഗാംഗുലിയെ പിന്നീട് ബംഗാള്‍ ക്രിക്കറ്റ് അസോസിയേഷന്‍റെ പ്രസിഡന്‍റായി തിരഞ്ഞെടുക്കുകയും ബിസിസിഐ പ്രസിഡന്‍റ് ആയും സേവനമനുഷ്ഠിക്കുകയും ചെയ്തു.
